न्यूयोर्क — सोमबार अमेरिकी शेयर बजारमा सुरुवाती वृद्धि कायम रहन सकेन र बजार ओरालो लाग्दै बन्द भयो। भू-राजनीतिक क्षेत्रमा देखिएको सुधारको आशालाई बढ्दो मुद्रास्फीति (महँगी) को चिन्ताले छायामा पारेपछि बजारमा गिरावट आएको हो।
सिएनाबिसीका अनुसार, प्रविधि क्षेत्रको बाहुल्यता रहेको नास्ड़ाक कम्पोजिट ०.७३% ले घटेर २१,७८१.६६ अंकमा बन्द भयो। त्यस्तै, S&P 500 सूचक ०.३८% ले घटेर ६५५७.८५ मा झर्यो भने डाव जोन्स इन्डस्ट्रियल एवरेज (Dow Jones Industrial Average) २२० अंक (०.४४%) ले घट्दै ५०,२२३.११ मा खुम्चियो।
दिउँसो सार्वजनिक भएको बलियो ISM Services report ले सेवा क्षेत्रको मुद्रास्फीति झन्डै चार वर्षयताकै उच्च विन्दुमा पुगेको देखाएपछि बजार ओरालो लागेको हो। यस तथ्याङ्कले फेडरल रिजर्भ (फेड) ले महँगी नियन्त्रणका लागि ब्याजदर लामो समयसम्म उच्च नै राख्ने संकेत गरेको छ।
मध्य-पूर्वमा देखिएको कूटनीतिक प्रयासले बिहानको कारोबारमा केही सुधार ल्याए पनि मंगलबारको समयसीमा र इन्धनको उच्च मूल्यले लगानीकर्ताहरूलाई त्रसित बनाएको छ। Trading Economics का अनुसार, ब्रेन्ट क्रुड आयलको मूल्य प्रति ब्यारेल $११० को हाराहारीमा स्थिर रहेको छ।व्यक्तिगत शेयरहरूमा, उपभोक्ता माग घट्ने चिन्ताले टेस्ला (TSLA) को शेयर २.१% ले घट्यो भने रक्षा कम्पनी क्रेटोस डिफेन्स (KTOS) को शेयरमा ९.९% को उछाल आयो।
